Saudi Arabia’s King Salman logot Vaccine dishe

Riyadh: Thursday din Saudi Arabia’s King Salman logot Covid-19 vaccine toh thishe. Tai khan laga desh te vaccine loboli manikena tin(3) hafta neshina thaka beche three-phase programme toh thakishe, koikena official media para koishe. King Salman, 85 umer “logot first dose coronavirus vaccine thishe”tai toh futuristic Red Sea city Neom para loishe koikena Saudi Press Agency para janaishe. Official media para King logot vaccine thiya toh picture aro videos toh janaishe. Saudi Arabia te coronavirus vaccination campaign toh December 17 te soruh korishe aro Pfizer-BioNTech vaccine toh be first shipment etu samai paishe. Health ministry para koishe, programme toh tinta(3) phase te thakibo, etu samai 65 umer oper aro chronic bemar aro besi risk te thaka manuh logot puila thibo koishe. Etu beche 50 umer khan logot next te vaccine toh thibo aro third stage te manuh sob logot thibo. Ministry para aro koishe vaccine toh desh manuh aro desh te boha manuh logot free para thiboli ase koishe. Saudi Arabia te novel coronavirus cases toh 363,000 oper hoikena ase, etu oper te 6,000 manuh morikena ase, etu Gulf Arab desh pithor te sobse besi ase. Hoilebi, kingdom te recovery rate toh be sobse bhal hoikena ase koishe. Saudi Arabia te 34 million manuh khan ase koikena official figure para janaishe.