September 28, 2020. Saudi Arabia te, authorities koishe ke, aha moina para Mecca te visitors khan ke ahibo debo koishe. Coronavirus nemite besi moina bondh hoikena thakishe, koikena media para khobor janai thishe. President- General for Affairs of the Grand Mosque aro Prophet’s Mosque Abdulrahman Al Sudais, para koishe ke, tuita(2) Holy Mosques King Abdulaziz Complex te thaka- Architecture aro Grand Mosque Library, toh kuliboli koishe, koikena Saturday din Gulf News para khobor thishe. Health authorities khan para hoshari koriboli kowah neshina, Al Sudais para hokom sob toh manikena visitors khan ke protect koriboli koishe. Olop din agae, Saudi Arabia te virus nemite hosari hokom thaka toh asti korikena hataina ase. Jaa hafta, authorities khan para Umrah (Islamic pilgrimage) tuita(2) holy mosques- Mecca aro Medina toh aro kuliboli plan korikena aha moina para manuh khan ke visit koribo thibo koishe. Saudis aro foreign manuh kaun khan Kingdom pithor te ase, tai khan ke October 4 darik para first phase te Umrah koriboli thibo, etu samay manuh laga capacity toh 30 per cent te health hosari para thakibo. Bahar laga foreigners manuh khan ke Saudi Arabia te Umrah toh November 1 darik para kuli thiboli koishe.
March 11, 2026
World's First and Only Nagamese Newspaper
Add Comment