Sayani Gupta ‘Shameless’ Oscar te jaishe entry

November 30, 2020. Sayani Gupta laga film ‘Shameless’ Keith Gomes para lekishe aro directed korishe. Etu film toh official Indian laga Live Action Short Film category te 93rd Oscars te jaishe aro aha saal thakibo ase. Film toh 15 minute samai aro black comedy thriller ase, etu short film para Vidya Balan’s Natkhat ke Oscars te jabo nemite jetishe. Co-starring Hussain Dalal aro Rishabh Kapoor ase. Shameless toh technology nemite human spirit harai laga ase, etu oper te sawal besi kora toh entitlement, humanity aro migrant class issue te ase. “Shameless te ami laga experience toh besas nathakai laga ase aro etai Oscars te jaiase! Keith toh directed hoboli besas thaka nai, tai toh actors aro crew manuh pithor te besi bhal ase. Hussain toh aro ami laga tangor sati ase aro tai logot kam koriboli kushi ase,” koikena Sayani para koishe. Ami khan kam te mon thishe aro etu nemite kamyaab hoikena, etai Oscars te jaboli like ase” tai aro koishe. “ami manuh laga neum saikena human spirit kahani kobo mon ase. Etu nemite moi laga films para technology toh nahariboli lage, koikena director Gomes para janaishe.