Switzerland, 22 November : Kalinga Stadium dey Talent Academy laga inauguration kuria piche Tuesday dey, Global Football Development laga Chief FIFA dey aro former Arsenal manager Arsene Wenger kuishey ki main initiative laga focus toh Indian Football bhaal kuri diwoley laga asey. Presenter ke khota kui thakia homoi, itu legendary football coach kuishey ki taikjan India ke taikhan laga jawaan ke educate kuriboley motut kuribo mun asey. “Muikhan itu improve kuribo mun asey (Indian football) aro India ke taikjan laga jawaan ke educate kuriboley motut kuribo muun asey aro itu hi lagi asey,” Wenger kuishey.
Kitia Talent Academy laga motive hudishey, itu British coach kuishey ki taikhan desh dey sobse bhaal talent sawo mun asey aro taikhan ke quality training diwo mun asey.
“Muikhan luwo muun jaa toh sobse bhaal talent khan identify kuribo mun asey deah dey aro second step toh sobse bhaal logot sobse bhaal haliwo mun asey. Tui ekta bhaal student ke biya class dey haliwi, tai ekta normal student hui jai kitia tui bhaal student khan bhaal student logot haley, itu toh stimulating asey aro itu bhaal wala hui jai ao itu piche dey, muikhan quality coaching diwo mun asey kiley kuiley muikhan FIFA para ekta coach delegate kurishey aro muikhan AIFF logot cooperate kuribo mun asey itu system panawoley pura desh dey. Muikhan eki logot kaam kurina Indian football bhaal kuribo mun asey,” tai halishey.
Wenger agey kuishey ki tai Indian Football ke saina guilty lagey kiley kuiley taikhan top level dey nahoi juti taikhan 1.4 billion laga population thakina bhi.
“Mui ekta passionate football lover aro mui fascinated asey India laga history para. Football toh bishi julti jai asey, aro sports toh bishi julti jai asey pura duniya dey. Toh, mui chariwo naparey development karney responsible thakina ekta khel laga aro phabna kurey ki dangor desh khan India nishina 1.4 billion manu khan logot top-level football dey nahoi, itu toh criminal asey. Mui itu karney guilty lagey juti taikhan improve hui asey aro muikhan itu Qatar laga khilaf khel dey dikhiwo pari asey. Huilewi aro kunwa room pachina asey aro itu toh ekta obligation asey bacha khan ke sikhawoley,” Tai halishey.
Add Comment