SC para Arvind Kejriwal keh interim bail di shae

July 12, 2024: Friday din deh Supreme Court para Enforcement Directorate (ED) laka case deh, Delhi chief minister Arvind Kejriwal keh interim bail grant kuri shae. Supreme Court para tai 90 days laka upor incarceration suffer kuri shae kui shae aro issue deh right to life aro manu ekjun laka liberty involve kureh kui shae. Justices Sanjiv Khanna aro Dipankar Datta laka ekta bench para interim bail laka order tho issue kuri shae. Taikan para mamla deh taka ekta issue tho ekta dangor bench keh refer kuri di shae. Bench para ED Case deh,  arrest kuri bole lakeh laka legal scope aro doctrine of proportionality tho ekta dangor bench para determine kuri bole lakeh kui shae. Court para Kejriwal tho interim bail deh release kuri bo kwa tho thik ase kui nah papi lui shae. Taikan para court kan, Kejriwal keh chief minister laka position tho giri bole direct kuri bo napareh kui shae, present case deh taila implication taka karne aro etu tho taila upor deh ase kui shae. Etu verdict tho Kejriwal aro taila Aam Aadmi Party (AAP) karne ekta dangor legal victory ase, kuto para party laka political narrative keh bishi laki taka boost tho di shae. Kejriwal tho alak ekta case karne custody deh taki bole ase. Etu case tho Central Bureau of Investigation (CBI) para investigate kuri ase, excise policy matter deh.