SC para CBI logot Sushant Singh Rajput case saboli hokom thishe

August 19, 2020. Wednesday din te, Supreme Court para CBI logot Bollywood actor Sushant Singh Rajput mora laga case saboli hokom thishe. Etu fasla toh, actor Rhea Chakraborty para Sushant Singh Rajput laga case Bihar Police hath te thaka toh Mumbai Police logot transfer kuriboli kowah beche ase. Wednesday din apex Court para Rhea’s laga kotha pelaikena koishe ke, Bihar Government para CBI logot Patna FIR oper te case soboli kowah toh right ase koishe. Supreme Court para Wednesday din Sushant Singh Rajput case  transfer kura honiboli ase: Kotha tuh single-judge bench Justice Hrishikesh Roy para fesla kurishe koishe. Bench para koishe ke, CBI para case saboli toh court laga hokom ase, etu nemite Maharashtra Government para etu fesla kura toh botili kuriboli naparehbo. Aro koishe ke, Patna te FIR registration kura toh right ase aro etu Criminal Procedure Code laga kanoon te ase koishe. 35- page judgment toh purikena honaishe. Justice Roy para koishe ke, Maharashtra Government para hokom toh manibole lage. Etu samay, etai dak te Mumbai Police para ke kam kurikena ase etu sob toh CBI logot wabas thiboli koishe. Sushant Singh Rajput toh tai laga ghor Mumbia te June moina 14 darik te morikena paishe. Mumbai Police para suicide kura ase koikena junai thishe aro Sushant ke siakena tai toh mon dhuk laga bemar thakishe aro film industry logot nemeli-kena thaka ase. Sushant morikena ek moina thaka beche, tai laga baba para Bihar te case filed kurishe. Aro koishe ke, Rhea Chakraborty aro tai laga ghor manuh para Sushant ke poisa nemite thukaise aro thimak ke dhuk thishe koishe.  Bihar police para complaint kura nemite  CBI aro Enforcement Directorate para Sushant laga financial status toh saishe aro tai laga baba para be complaint kurikena Sushant laga account para crores neshina olaishe koishe. Bihar Chief Minister, Nitish Kumar para Sushant Singh Rajput mora te CBI logot saboli hoikena, ek din beche Centre para August 5 darik din te kotha toh manikena koishe.