SC para Mizoram maiki ke Gauhati High Court judge mangkishe

GUWAHATI: India laga states pura te High Courts te vacancies besi fill koriboli thakai te, Supreme Court Collegium para 68 nam janaishe aro etu pithor te 10 jun maiki manuh khan ke courts te samil koriboli koishe. Etu first time ase ke SC Collegium para eman besi nam thishe. Tinta(3) members Collegium toh India laga Chief Justice, N V Ramana para loikena August 25 darik aro September 1 darik din te 112 manuh laga list toh othaishe, koikena Indian Express  para khobor toh janaishe. 112 pithor te 86 nam toh 12 High Courts te appointments koriboli koishe aro etu te Bar para 44 manuh ase aro baki 24 jun toh Judicial Service nemite. Scripting history te judiciary te gender representation kora te, Collegium para maiki manuh ke recommended korishe aro tai khan toh judicial officer hoikena  Scheduled Tribes ase, koikena  The Hindu  para khobor toh janaishe. Jodi government para recommendation toh manishe koile, tai toh Mizoram State para first High Court judge hobo. 12 High Courts laga nam recommended korikena thaka toh Allahabad, Rajasthan, Calcutta, Jharkhand, Jammu & Kashmir, Madras, Madhya Pradesh, Karnataka, Punjab and Haryana, Kerala, Chhattisgarh aro Guwahati para ase koishe.