December 18, 2023 : Itu Supreme Court para toh hoiley, itu Nagaland Government ke grant kurishey, disciplinary proceedings toh khotom kuriboley, December 17th tey, itu opor tey liberty di kena, kuntu toh initiate kurishey, ekta Indian Police Service (IPS) officer laga against tey, hoilebi itu bhi direct kurishey ki, itu process toh hoiley, choi muhina bhitor tey khotom kuriboley.
Eku extension toh hoiley nadibo, judi itu deadline toh khotom hoishey koiley, itu apex court para state kurishey, itu petitioner ke aru bhi direct kuria homoi tey, itu Nagaland cadre laga IPS officer ke itu disciplinary proceedings logotey co-operate kuriboley koishey.
“Moi khan itu sapha saphi kurishey ki, itu petitioner toh hoiley co-operate kuriboley lagibo, aru judi itu proceedings toh itu homoi di kena thaka time tey complete kuriboley paranai koiley, itu authority laga part tey, aru time toh hoiley grant nakuribo, koishey,” itu order toh hoiley Justice CT Ravikumar aru Justice Sanjay Kumar para issue kurishey, ekta Special Leave Petition (SLP) dispose kuri thaka homoi tey, December 12th 2023 tey.
Add Comment