June 22, 2024: Agae deh Meghalaya laka tribal students kan keh NEET-UG retest lubo leh deny kuri shae. Hoile b ekta positive development deh, Supreme Court para notice ekta issue kuri shae. Etu notice tho National Testing Agency (NTA)karne taki shae, kun kan keh retest lubo di bole allow kuri b kui shae.
Meghalaya para aha tostha NEET aspirants kan Supreme Court keh approach kuri shae restest demand kuri bole. Etu students kan allegedly 45 minutes hari shae aro court keh, taikan b utu 1,563 students kan lokot deh taki bo lakeh kui shae, kun kan grace marks pai shae aro June 23 deh re-exam appear kuri bole option b di shae.
Supreme Court para Meghalaya students laka petition tho July 8 deh huni bo kui nah schedule kuri di shae.
Yoothica Palla vi, kun para students keh represent kuri ase, tai para petitioners kan tho proposed retest deh include taka nai kui shae, NTA laka error karne suffer kuri nah b. Tai para students kan keh teen kanda aro 20 minutes laka full time dia nai kui shae, kalti question paper aro contradictory instruction karne. Etu confusion para students kan laka 40-45 minutes hari bole di shae.
Add Comment