Schemes, Rights aro Entitlement deh Orientation program lui shae Jakhama deh

March 7, 2024: Schemes, rights aro entitlement deh ekta one-day orientation program lui shae BLF, EC, SAC aro VF Program karne. Etu program tho CMTC, Jakhama, Kohima deh lui shae 7^th March 2024 deh.

Resource person, Chief Legal Aid Defence Counsel, Kohima District Legal Service Authority, Keduvi Zhotso para alak alak special laws laka kotha kuri shae kuto maike aro bacha kan lokot related ase Sexual offense aro domestic violence para. 

Child Development Project Officer Jakhama, Zubemo Jami para Centrally Sponsored Scheme kan deh highlight kuri shae. Tai para schemes kan tho Rs 5000 laka financial assistance dibo leh aim ase first live child karne aro second child maike taki leh Rs 6000. Tai para aro benefits kan tho khali Direct Benefits Transfer Only para heh disbursed hobo kui shae.

Agriculture Officer, Meciesunu Sakhrie para SRI Technology deh brief kuri shae. Alak side deh Seyeivito Neikha para RD pitor deh alak alak schemes kan ki ki ase, etu kan highlight kuri shae.

Program tho Sokhrienuo Rüpre-o para chair kuri shae. Program manager Jakhama, Vitsituo Mepthu para gathering keh welcome kuri shae aro khoto Sale para vote of thanks di shae.