School bacha kan keh bukia bus overturn hui jah tho 40 jun jokom kai shae

July 8, 2024: Monday din deh ekta bus, school bacha kan keh buki nah jai taki shae aro etu bus, Haryana laka Panchkula district deh overturn hui jah tho kom seh kom 40 jun jokom kai shae. Incident tho Pinjore town laka Naulata bosti osor deh hui shae. Bacha kan kiman jokom kai shae, etu tho exact number tho itia b identify kura nai. Jokom kah manu kan keh tho Pinjore Hospital aro Sector 6 Civil Hospital deh admit kuri nah ase, treatment pabo leh karne. Video ekta deh, jokom kah school bacha kan ekta hospital treat kura tho diki shae. Police laka ispa deh, accident tho bus driver bishi speed para jula karne hui shae. Etu laka upor deh, bus tho capacity limit laka upor deh polai taka karne aro rasta b bia taka karna accident hui shae.  Congress MLA Predeep Choudhary para investigation ekta shuru hui nah ase kui shae.