July 30, 2025 : Itu School Leadership Development Programme (SLDP) laga 7th batch, 50 School Head khan nimitey, kuntu toh hoiley 29th July, 2025 tey shuru kurishey, SCERT, Kohima tey, itu NECTAR project logotey. Itu toh hoiley ekta-muhina laga certificate programme asey kuntu toh hoiley saatta key area khan tey focus kuriboley asey: School Leadership opor tey Perspective, Developing Self, Transforming Teaching-Learning Process, Building aru Leading Teams, Leading Innovations, Leading Partnership aru School Education tey Initiative khan.
Itu inaugural programme tey, Benjungdenla Yaden, Reader, SCERT para state kurishey ki, SLDP laga 6batch toh hoiley complete hoishey, aru itu 7th batch bhi khotom hoi jaboley asey 29th August, 2025 tey, aru itu hoi kena, kun bhi school laga head khan toh train nathaka nahobo, Nagaland tey. Tai para itu bhi mention kurishey ki, itu training khotom hoa pichetey, ekta evidence-based study toh hoiley conduct kuriboley asey, future intervention khan laga direction inform kuriboley.
Commissioner & Secretary, School Education & SCERT, Kevileno Angami para state kurishey ki, itu SLDP toh hoiley mandatory asey, sob school laga head khan nimitey, kiley koiley itu toh hoiley essential hoboley asey, itu promotion khan consider kuria laga homoi tey.
School Education laga Directorate laga Director – Razouseyi Vese, para state kurishey ki, itu toh hoiley encourage kuri diya laga ekta asey, senior school head khan ke, itu training tey dikhi pawa toh, kiley koiley itu para tai khan laga zeal ke reflect kurey, leadership skill khan toh bhal banaboley ari tai khan laga school khan improve kuriboley.
Add Comment