Nagaland

School Education Para New Admission Opor Tey Inform Kurishey

April 28, 2024
2 Views

April, 27, 2024 : Itu School Education laga Department para toh hoiley notify kurishey, aru sob ke inform kurishey, ki, itu New Admission khan, Class XI nimitey, itu sob Government Higher Secondary Schools tey shuru kuriboley asey, itu Nagaland laga State tey, kuntu toh hoiley 29th April, 2024 tey para shuru hoboley asey koishey, aru itu nichetey di kena thaka directives khan toh hoiley issue kurishey, strict para itu hisap tey admission kuriboley.

  1. Yatey toh hoiley ekta single Online Admission Portal thakiboley asey, sob GHSS khan nimitey. Students/Parents khan toh hoiley yatey login kuribo lagibo, itu ‘GHSS Admission Portal’ tey, itu link di kena thaka tey para, itu department laga website https://education.nagaland.gov.intey para aru application khan submit kuriboley koishey, school khan nimitey aru stream khan nimitey, tai khan laga choice laga.
  2. Ekta students toh hoiley application submit kuriboley paribo, ki ki laga number laga school khan tey hoilebi aru stream khan tey, tai khan laga choice laga.
  3. Itu portal toh hoiley 29/04/2024 para 01/05/2024  tak khula thakiboley asey, students/ parents khan nimitey, tai khan laga application khan submit kuriboley. Students khan toh hoiley tai khan laga HSLC Admit Card aru Mark Sheet laga copy khan upload kuriboley lagibo.
  4. Students/ Parents khan toh hoiley dikdari khan face kuri asey koiley, itu online facility khan chula homoi tey, tai khan toh hoiley Common Service Centre khan tey para modod loboley paribo koishey, kuntu toh hoiley function kurey, itu Information & Technology laga Department under tey.