School laga Panni Daba Bia Hoikina Girishe, Aru 3da Student Murishe

Naharlagun, December 15, 2024: Saturday laga Phuzur 9am homoi te, St Alphonsa School, Model Bosti laga 3da student murishe koishe, yete Panni laga daba bia hoi kina giri kina, aru duijun nishina toh jokhum hoishe koishe. Etu toh School laga Assembly osor te para hoishe koishe.Yete murea students khan lagan am toh Ekam Bagang, Rei Dol aru Marsu Dubi ase koishe, aeru 3da jun bi Class 9 te purea aswe koishe. Licha Buttum toh Class 6 te ase koishe, aru tai toh bia para jokhum hoi kina emergency surgery kurea ase koishe, Tomo Riba Institute of Health & Medical Sciences (TRIHMS) te.Aru Toko Dolum toh class 8 te ase koishe, tai kebi math ate jokhum hoishe koishe, aru taike Paediatric ward te dali dishe koishe, TRIHMS te. SP para koishe ki, Case toh Registered Kuri dishe koishe case [u/s105/106(1)/125(b)/3(5) BNS] lagate.Yete Choita manu nishina case te dalishe, aru pasjun nishina ke arrest kurishe koishe. Yete arrest kurea manu khan toh School laga Principal Shaji Cherian (51), Hostel Warden Gaurav Gogoi (24) aru Dicky Kumar Das (24), Teacher Kaushik Chetry (22) aru School Kapa Pai laga Malik khan ke. Etu panni laga daba toh Assembly Hall laga osor te ase koishe, aru Students khantoh etu laga osor te khili thakhishe koishe aru yete Panni laga daba toh giri kina Choita students ke jokhum kuri dishe koishe.