Agencies, 12 November: Police pora janaideya toh, Monday morning southern Uganda jaga laga secondary school resident deh joi ola pora nine student morise. Police spokesman Patrick Onyango pora Reuters logode kowah toh, nine moda student toh at St. Bernard Maya secondary school laga resident deh joi ola karni morise. Etu joi toh student khan pora korise pari koise. Kelay koile agae din phalli etu school laga student toh discipline thek nathaga karni expel korise. Etu laga kusha pora korise pari koise. Hatsa toh Monday morning 1 a.m phalli howah thakise. Onyango pora ami khan etu line dehe suspect kori ase koise. Tusara students khan joi pora jokhom powah karni osor hospital phalli dara-dari jaa thakise. Onyango pora student khan ektum beya pora jola karni aro moribo pari koise. Schools laga resident deh joi toh ola thaki. Etu ola pora buildings aro manu khan ke koila korideh. April 2008 time deh, capital Kampala osor laga primary school deh joi ola thakise. Etu pora 21 jun manu moraideya thakise. Aro etu joi toh ke karni olaise etya tak thek jani napai kena ase.
School resident deh joi ola pora nine students morise
Add Comment