Science Exhibition Aru Science Quiz Loishey, Longleng District Tey

August 24, 2024: Government Middle School Leinak, Longleng para Science Exhibition aru Science Quiz organize kurishey, itu Science aru Technology, laga Department, Nagaland laga Govt. logotey collaborate kuri kena, 23^rd August, 2024 tey, school laga premises tey, itu “Indigenous Technologies for Viksit Bharat” laga theme opor tey. 

Itu event toh hoiley, Primary Teacher – T. Manphen Phom para moderate kurishey aru Head Teacher – Shumei Antony para welcome aru introductory note deliver kurishey.

Head Teacher para tai laga introductory note tey, highlight kurishey ki, itu event toh hoiley scientific awareness spread kuriboley karney organize kurishey aru itu jawan bhaban thaka youth khan ke encourage kuriboley, science ke career hisap tey loboley karney.

Pura puri charta school khan para itu event tey participate kurishey. Cash Prize khan aru Achievement laga Certificate khan award kurishey, itu jeeta manu khan ke, aru Participation laga Certification khan bhi dishey, itu sob participant khan ke.

Science Quiz tey: GMS Leinak laga Anyak S.  para 1^st paishey, GMS Shayung laga Omtan Phom 2^nd paishey aru GMS Leinak laga B. Sangke para 3^rd paishey. Science Exhibition tey: Team Albert Einstein para 1^st paishey, Team Thomas Alva Edison para second paishey aru Team C.V. Raman para 3^rd paishey. Itu program toh hoiley Graduate Teacher – Nokchatemjen para vote of thanks di kena khotom hoishey.