AGENCIES: Walter Smith, Scottish football coach kun para 10 league titles rangers logote jita toh national team ke akhe te luijabo toh murishe .tai toh 73 umar ase.
Rangers para etu mura khobor toh Tuesday din te dishe etu te chairman douglas park koikena janaishe etu club legand toh beemar thakishe.
Etu toh nohobole thaka ase walter toh sob manu khan nimete ase ranger te.park para koikena janaishe tai para rangers khan hobole thaka kurishe.tai laga character aro leadership toh second para none t e thakishe.
Smith toh duita spells thakishe rangers manage r thakikena akhe wala toh 1991-98 te thakishe etu te tai para saata Scottish league title jitishe aro etu logote tinta Scottish cup aro tinta Scottish league cup jitishe.
Tai toh 2007 te wapas ahishe aro tinta league titles jitishe 2009 para five domestic cups te aro rangers khan ke 2008 te uefa cup final te punchaidishe.
Etu te thaka samay Ibrox te smith para Premier League club Everton 1998-2002 te saishe aro olop samay nimete thakishe alex freguson laga assistant thakikena Manchester United te aro Scottish national team laga charge loishe 2004-07 tak.
Smith toh rangers laga chairman olop samay nimete thakishe.park para smith ke great modern-day football managers te ase koikena janaishe.
Hoilebi rangers supporters nimete park koikena janaishe tai toh ekta football manager para bi dangor thakishe walter toh bishi manu khan nimete saathi thakishe ekta leader ekta ambassador aro etu logote ekta legand thakishe.
Add Comment