Pasighat, January 9, 2025: Yete Wednesday phuzur te, State Disaster Response Force (SDRF) aru Mebo Police khan mili kina East Siang District te search operation kurishe, yete taikhan choita manu ke bachaishe koishe. Yete Police khan para koishe ki, etu choita manu toh Tuesday rati te, bia para panni giri kina,panni laga level toh uthi she koishe, aru taikhan toh hari jaishe koishe Bodak Bosti laga osor Siang Nodi laga middle te.
Yete etu bacha manu khan laga nam toh Opang Tamuk, Sompa Marpache toh Renging Bosti para ase koishe, aru Punching Rai, Rajen Narzari, Santosh Chettry aru Vijay Tamang toh Pasighat laga Ragneghat para ase koishe.
Etu bachabole laga operation toh Tuesday para loi kina Wednesday phuzur tak jaishe koishe, yete etu team khan para boat loi kina etu manu khan ke, bachaishe koishe.
East Siang SP Pankaj Lamba para publickhan ke janai dishe ki, etu risky jaga khan tee man nathakhibi koishe, enika bia mosoom homoi te.
Add Comment