Kuala Lumpur, 12 January : Thailand laga Kunlavut Vitidsarn, Sunday Kuala Lumpur te Malaysia Open men’s singles title jitisey, jitia World No.1 China laga Shi Yuqi injury karone match chari dise.
China laga 29-bosor defending champion Shi Yuqi, back injury karone final laga second game shuru howar pichete withdraw kori dise. Shi first game 23-21 hare pichete, second game te 6-1 score thaka time te match chari dise.
World No.2 Kunlavut Vitidsarn koise ki, itu final ahibo time te tai pura exhausted thakisey.
Women’s singles final te, South Korea laga World No.1 An Se-young, China laga Wang Zhiyi ke 21-15, 24-22 score te haraikena, straight third time Malaysia Open title jitisey.
23-bosor An Se-young first game te pura dominant thakisey, kintu second game te 19-13 piche thaka pora comeback kori jitisey.
Women’s doubles te, China laga world champions Tan Ning aru Liu Shengshu, South Korea laga Baek Hana aru Lee So-hee ke 21-18, 21-12 score te haraikena title jitisey.
Mixed doubles te, China laga top seeds Feng Yanzhe aru Huang Dongping bhi bhal performance dise. Taikhan final te compatriots Jiang Zhenbang aru Wei Yaxin ke 21-19, 21-19 score te haraise.
Men’s doubles title South Korea laga Kim Won-ho aru Seo Seung-jae jitisey. Taikhan Malaysia laga Aaron Chia aru Soh Wooi Yik ke tough match te 21-15, 12-21, 21-28 score te haraise.
Add Comment