April 15, 2024 : Itu 18th Lok Sabha Election 2024 laga regard tey, ekta co-ordination meeting loishey, Sector Magistrates aru Sector Commanders khan, 13 Pughoboto Assembly Segment under tey, kuntu toh hoiley, itu Pughoboto laga Additional Deputy Commissioner aru District Election Officer laga Office para loishey April 12th, 2024 tey, Pughoboto laga DB Hall tey para.
ADC & DEO – Tiameren Chang para, itu progress toh review kurishey, Voter Information Slip (VIS) laga distribution laga progress toh, pani aru sanitation laga provision, polling station khan tey aru itu prevail kuria law aru order situation toh. Komjor bhi nahoi, critical bhi nahoi, itu toh hoiley observe kurishey, itu report khan laga hisap tey, itu Sector Magistrate Ar Sector Commanders laga. Chang para eneka thakilebi, koishey ki, vigilance toh hoiley observe kuriboley lagey sob homoi tey, aru ki ki laga compromising matter thakilebi, phat para janaidiboley lagey itu District Administration ke. Tai para assure kurishey, ki, additional magistrate khan ke toh hoiley appoint kurishey aru itu asey ki, duita engineers khan ke aru bhi deploy kuriboley asey, durr tey thaka laga polling station khan tey, assistance nimitey.
Pughoboto laga SDPO – Hankiumong para itu security arrangement khan opor tey khata para janaishey, polling day nimitey aru tai para aru bhi advise kurishey, EVMs laga secure kuriboley karney aru thik thak security aru polling personnel laga aha jawa kuria laga.
SDO (C) & ARO – R. Daniel Angami para thik homoi tey aru thik thak laga submission laga importance stress kurishey, alag alag report khan laga, kuntu toh hoiley scrutinized kuriboley lagey, Kohima laga CEO tey, aru ensure kuriboley lagey itu sob election protocol khan laga adherence toh.
Add Comment