February 2, 2024: Sector Magistrate aru Sector Commanders khan laga training aru EVM demonstration Van laga event thakishey 2nd February 2024 tey Deputy Commissioner Conference Hall Wokha para.
Sector Magistrate aru Sector Commanders khan karney koikena, Deputy Commissioner & District Election Officer, Wokha Ajit Ranjan para flagged off kurishey EVM mobile demonstration van. Tatey tai koishey ki itu laga awareness aru confidence banaboley banaboley karney asey keneka EVM machine kaam kurey alag alag distict tey polling stations khan cover kuriboley. DC para request kurishey demonstration kura laga reports khan submit kuriboley.
Tai khan laga role aru responsibilities khan koikena, Deputy Commissioner para sob magistrate aru commanders khan ke appealed kurishey toilet, water, electricity aru rams khan facilities aru availabilities khan check kuriboley polling station khan tey aru tai urged kurishey BLOs khan ke cooperate kurikena kaam kuriboley. Tai para remind kurishey proper route map itu polling stations khan laga banaboley, itu para manu khan polling station ahiboley duk nababo, aru polling stations tey C-vigilance laga awareness banaboley. Tai para appealed kurishey sob concerned officer,s khan ke vulnerability mapping start kuriboley aru sure kurikena sob kam khan thik time tey khotom kuriboley.
Tai para informed kurishey voters registration laga facilities aru alak queries khan aru grievance khan generate kuriboley itu Wokha Saathi Chat box laga motot para, tatey query thakiley itu number 700557723 tey contact kuriboley parey aru tai koishey helpline number 1850 laga availability. Tai para sob concerned khan ke remind kurishey forthcoming Lok Sabha election laga success karney, itu assignment khan tey tai khan laga best deboley.
Itu piche tey, EVM demonstration Van laga flag off kurishey, hands-on EVM demonstration toh sector magistrate aru sector commander ke dishey.
Add Comment