Security Force Khan Para Arms Aru Ammunition Recover Kuriboley Parishey, Manipur Tey

December 09, 2024, 04:04 PM : Ekta series laga successful joint operation tey, Indian Army, Assam Rifles para Manipur Police aru alag security forces khan logotey coordinate kuri kena, 14 hatiyar, ammunition aru alag war tey chulawa saman khan recover kurishey, hill aru valley region khan duita tey para bhi, itu Manipur laga  Churachandpur, Kangpokpi aru Thoubal district khan tey. Thik thak information pai kena, itu opor tey act kuri kena, arms aru ammunition thaka opor tey, general area tey, Loiching Ridge laga, Kangpokpi district tey, Assam Rifles aru Manipur Police para ekta sniper rifle, ekta Lathode gun, duita 9mm pistol khan aru ekta SBBL gun, ammunition (guli) khan aru war tey chulawa saman khan nishina paishey, 02^nd December, 2024 tey. Kotey, ekta 7.62 mm SLR rifle, ekta 12 bore single-barrel gun aru ekta 9 mm pistol, guli khan aru war tey chulawa saman khan recover kurishey, itu Churachandpur district laga Phaikhothang village para. Thoubal district tey, Indian Army, Assam Rifles aru Manipur Police para ekta SLR, ekta Carbine Machine Gun, ekta Double Barrel Rifle, duita Pistol khan, Grenade khan, guli khan aru alag war tey chulawa saman khan paishey, Fungei Ching tey para, Leirongthel Pitra aru Pechi osor tey, 04^th aru 6^th December, 2024 tey, aru eneka hey, ekta hatiyar, guli khan aru war tey chulawa saman khan Pechi tey para recover kurishey. Itu dhuriboley para saman khan toh hoiley Manipur laga Police laga haath tey di dishey, dispose kuri diboley karney.