April 01, 2024 : Ek Din Laga Skill Training conduct kurishey, 30th March, 2024 tey, Phesama Bosti laga Merama Khel tey, Self- employment Promote kuriboley, Youth khan bhitor tey. Itu program toh hoiley Kevi para organize kurishey, Village Level Organisation (VLO) Phesama Village para, RD Block Jakhama under tey, Day-&1 NSRLM para promote kuri kena, itu Social Development initiative laga part thaki kena, School drop-out laga issue khan address kuri kena, itu youth khan bhitor tey.
Itu training tey kotha kuri kena, Area Coordinator Sokhrienuo Rüpre-o para koishey ki, itu School para drop- out aru unemployed youth laga number khan toh hoiley uthi asey sob saal khan tey, kuntu nimitey bishi youth khan toh hoiley galti aru biya raasta phaney giri asey. Tai para itu jawan generation khan ke encourage kurishey, particularly itu unemployed youth khan ke, ekta honest aru self sustain thaka livelihood phaney jaboley, alag khan ke depend nakuri kena.
Itu training laga homoi tey, alag alag skill khan laga training khan, traditional weaving, tailoring, basket banal aga, aachar aru biscuit bana khan, chuli kata khan, sketch kuria laga toh hoiley shikhaishey, itu participants khan ke. Itu Resource Persons khan toh hoiley Self Help Group (SHG) laga members khan milai kena asey, itu VLO aru self-employed youths khan under tey, itu bosti para, weaver, artist, barbers, tailor etc, khan milai kena. Village Level Organization, Phesama para toh hoiley eneka nishina skill khan laga training khan toh hoiley organise kuri kena ahishey, jawa dui saal agey para, aru eneka he chulai kena jaboley plan kuri asey, itu nishina training khan , aha din khan tey bhi. Tatey pura puri 20 youth khan participate kurishey, itu training tey.
Add Comment