New Delhi, 24 August: Arun Jaitley, former Finance Minister aro BJP laga chief troubleshooter toh Saturday din Delhi’s AIIMS hospital deh morishe. Tui-hapta agae deh tai toh sash lobole dekthari powah nemide hospital deh admit howah thakishe. Tai 66 sal deh morise. Alak alak leader khan samaan debo nemide Arun Jaitley laga khor deh lok korise. Tai ke toh kali jolaidebole ase.
AIIMS koise, “Arun Jaitley toh 12.07 pm deh morise. Ami khan Shri Arun Jaitley mora laga khobor toh ektum mondukh hoi kena janai ase. Shri Arun Jaitley toh 09/08/2019 AIIMS, New Delhi deh admit hoise aro tai ke senior doctors laga multidisciplinary team para sai thakishe”.
Veteran BJP leader ke toh life support para rakhi thakishe aro tai ke doctors laga multidisciplinary team para sai thakishe.
Senior leaders khan majode Smriti Irani aro Hardeep Singh Puri toh AIIMS deh ponja thakishe. Mr Jaitley’s body toh tai laga khor deh joldi joijabo aro furneral toh kali kuribo. Nigambodh Ghat deh funeral nakora agae deh Mr Jaitley’s body toh 2 pm tak BJP office deh rakhibo.
Prime Minister Narendra Modi toh UAE deh ase. Tai para tweet deh koise, Mr Jaitley toh political giant, towering intellectual aro legal luminary thakishe. Tai morija toh ektum mondukh ase. Tai laga maike Sangeeta Ji aro bacha Rohan ke kotha korikena ektum mondukh howah janaishe.
Home Minister Amit Shah koise, Arun Jaitley para besi sal nemide rasta dekhai thakishe. Arun Jaitley mora para ektum mondukh hoise. Tai mora toh ami nemide personal loss ase. Ami khali senior party colleague lost howah nahoi kena ami laga family member be lost hoise”.
Mr Jaitley toh BJP government’s first term deh Prime Minister Narendra Modi’s cabinet laga important part thakishe. Tai finance aro defence portfolios deh role thakishe aro government laga chief troubleshooter nemide thakishe. Tai finance minister laga tenure time deh bankruptcy code aro Goods and Services Tax or GST deh led kora thakise.
Mr Jaitley toh bemari para dukh pai thaga nemide 2019 Lok Sabha election deh contest nakora thakishe. February moina Arun Jaitley toh interim budget deh presentation debole paranai. Etu time deh tai United States deh treatment karni jaa thakishe. Lawyer-turned-politician be 52 sal deh triple heart bypass surgery kora thakishe.
Tai jowah sal May 14 direk AIIMS deh kidney transplant kora thakishe. Mr Jaitley toh jowah sal April para office deh ahhibole napari kena thakishe aro tai August 23, 2018 deh finance ministry nemide korai ahha thakishe. September 2014 deh tai bariatric surgery korise kelay koile diabetic nemide tai laga weight othi kena thaga karni.
Add Comment