Bengaluru, 6 December : India laga dangor wrestler khan Senior National Wrestling Championships 2024 te participate kuribo. Itu Friday pra Koramangala Indoor Stadium te shuru hobo.
Haryana laga 28 wrestler khan alag-alag category te participate kuribo aru Championships dominate kuribole try kuribo. Total 24 state aru UT khan itu prestigious event te part lubole ase.
Country pra 700 pra beshi entry ahi se, juntu Manipur, Mizoram, Nagaland, Jammu and Kashmir, Andhra Pradesh, Chandigarh, Delhi, Chhattisgarh, Gujarat, Himachal Pradesh, Kerala, Madhya Pradesh, Maharashtra, Puducherry, Punjab, Rajasthan, Tamil Nadu, Telangana, Uttar Pradesh, Uttarakhand aru West Bengal te include kurise.
Host Karnataka laga 32 wrestler khan greco-roman, freestyle aru women’s wrestling category te strong contingent loi enter kurise. Itu contingent Gopal Koli, Mahesh P Gouda aru Shweta Sanju Annikeri laga leadership te thakibo, juntu medal contenders ase.
Aru notable wrestler khan te Manipur laga Y Minakshi Devi ase, junu 50kg category te compete kuribo. Itu saal Jordan te U-23 Asian Championship Gold aru World Championship te silver medal jeeti thakise. Haryana laga Jyoti bhi 53kg weight category te notable participant ase. Taike Junior World Championship Spain 2024 te participate kurise aru Cadet Asian Championship te medal paise.
Add Comment