KOLKATA: Diver Greg Louganis Thursday din Calcutta te ahise aro tai kothakorise. Ito kotha kora time te tai laga Olympic laga kahani bhi olop share korise. 1988 Olympics Seoul te Greg Louganis laga performance performance toh ekltum legendary ase. Final hobole olop khonta thakatime te tai springboard ke matha lakise aro pise dangor jokam hoise. Ito time ke tai 28 years thakise. Tai ito jokam nimete math ate shila bole olaise aro tai faint bhi hoishe. Hoilebi tai final khilise aro 3m springboard te gold jitise. Ito toh itia tak Diving laga sport ke ektum maina rakhi. Tai ito toh HIV diagnosed hoa pijete khali 6 moina hoikena thakise. Tai 1984 Los Angeles Games te 2 gold jitekena ase. Greg Louganis Thursday din Tata Steel Kolkata 25K laga ambassador hoikena kotha korise.
Tai laga idol Edwin Mose ase. Moi toh Edwin Mose ke hotai pise respect pora phapna koribo aro tai pora US laga athletes nimete kimaan phal kam korikena ase ito ke moi ektum khosi pai. Aro tai laga athletic retirement plan ke moi pise support kori, inaka koise.
1976 Montreal Games ke tai silver jitese . Moi toh 16 years ke Gold jitebole mon thakise hoilebi paranai. Aro moi phapna korise ki sob manu ke let down koritise . hoilebi itia hi jani ase nijor laga first Olympic ke medal jitebole toh kiman dangor kotha ase koikena.
Add Comment