February 19, 2025, 06:08 PM: Itu Wokha District Administration para, department of Social Welfare and District Hub for Empowerment of Women (DHEW) para Mission Shakti under tey, District Sports Office aru Youth Resource & Sports logotey mili kena ekta paach din laga Sepaktakraw coaching camp organize kurishey, chukri bacha khan nimitey, 18th para 22nd February, 2025 tey, Wokha laga Local ground tey para. Itu coaching camp toh hoiley Beti Bachao Beti Padhao (BBBP) ke commemorate kuriboley karney organize kuria laga asey.
Itu coaching camp toh hoiley Youth Resource & Sports (YR&S) laga department para support kurishey, Wokha district Sepaktakraw Association (WDSA) logotey collaborate kuri kena, State Sepaktakraw coach, YR&S Puleuo logotey, tatey main coach hisap buhi kena aru Dimapur laga SAI para ekta senior International player aru duita national player khan para assist kurishey.
Deputy Commissioner Wokha, Vineet Kumar (IAS) para itu opening din tey kotha kuri kena, itu camp laga, koishey ki, trainee khan kun toh hoiley itu camp laga part hoboley karney nijey ke enrol kuri loishey tai khan toh hoiley bishi fortunate asey, kiley koiley tai khan toh hoiley bishi bhal para experience thaka coach khan para train kuriboley asey, kun para toh hoiley itu national aru international level tey represent kurishey.
Add Comment