Sports

Sepp Blatter, Michel Platini ke FIFA Corruption Case karney Second Time Acquit kurishey

12 months ago

Muttenz, 25 March : Former FIFA president Sepp Blatter aru ex-UEFA chief Michel Platini ke Tuesday din Swiss court te appeal marha pisot dubara nirdosh paise, ekta dangor corruption laga mamla te.

First time 2022 te bi nirdosh paise thakishe, aru itu bar Muttenz, Basel laga extraordinary appeals court prosecutor khan laga 20 months suspended sentence laga recommendation na-manikena nirdosh verdict dishe.

Dus saal pora cholithaka case te ekta last appeal Swiss Federal Court te possible ase, but itu sirf limited legal ground te hobole pare.

Blatter (89) aru Platini (69) court te itu mamla karone ahise, juntu FIFA 2011 te Platini ke 2 million Swiss francs (1.8 million euros) diya thakishe consultancy services karone.

Idu legal mamla Blatter aru former France captain aru manager Platini laga career pura shesh kuridise, juntu age world football te dangor power thakishe.

Idu case 2015 te shuru hoishe jabole FIFA corruption crisis marikena Blatter resign kurise.

June 2022 te, Swiss Federal Court Blatter aru Platini ke “disloyal management,” “breach of trust” aru “forgery of securities” laga charge khan pora nirdosh paishe.

Kintu, Swiss Attorney General’s office itu verdict te direct appeal marishe.

Defense aru prosecution dujon bi agree ase ki Platini 1998 pora 2002 tak Blatter ke advisor marikena kaam kurithakishe, aru 1999 te dujon ekta contract sign kurishe juntu te Platini laga annual salary 300,000 Swiss francs hobo koi thakishe, juntu pura FIFA pora dibo kwathakishe.

Blatter aru Platini laga hisab te, shuru te bi orally, witnesses nohoi kena, ekta saal te 1 million Swiss francs dibo koi thakishe, but FIFA laga financial situation ekbarte itu taka dibole paranaikena rukijai thakishe.

January 2011 te, “eight years para Platini advisor nohoi thaka pisot bi,” Platini “2 million Swiss francs FIFA pora lobo koishe,” aru FIFA itu taka dishe.

Itu time te, Blatter FIFA president karone re-election marikena thakishe aru Platini European football laga head hoijai thakishe.

Prosecutor khan koishe ki itu “unfounded” payment ase, juntu FIFA laga internal control ke murkhu banaikena aru dukhon top executives khan laga false statement marikena fraud marise.