Rome: Spaniard Fernando Llorente dui sal Tottenham te dhakiya khotam howa biche te Napoli pora Fernando Llorente ke free transfer te sign kurise, Serie A club pora Monday te janai dise. Club khan pora 34 striker laga contract toh kiman sal karne ase etu toh kowa nai, Italian media khobor hesab te toh two-year deal sign kurise koise.
Llorente pora 2008-2013 laga bich te 24 international khili kena, 2010 World Cup aro Euro 2012 chitise.
Juventus te 2013 te dui sal te Serie A title chitiya aro 2015 Champions League final bonjiya biche te Tai Italy te khiliya duibar wala hobo.
Llorente Tottenham te dhakiya toh phabna nishena dhakiya nai, kintoh tai Harry Kane laga pack-up karne khililse aro 36 Premier League games te duita goal ekla dibole parise.
Cup competitions te tai pora 11 bar score kuribole parise, Champions League strikes Manchester City aro Borussia Dortmund laga khilaf laga bhi milai kena.
Add Comment