AGENCIES: Serum Institute of India (SII) para government ke khobor dishe ki tai khan para nine nohoile toh 10 crore doses covisheild june moina te olaikena dibolre nimete.official sources para koikena janaidiya thakishe Sunday te etu bi states khan para complaint kura pichede etu anti coronavirus jabs khan komti thaka nimete.olop akhe laga letter Union home minister amit shah ke dikena SII para koikena janaishe tai khan laga employees khan kaam kuri ase pandemic laga alag alag challenges thakikena bi.
Prakash Kumar Singh, Director of Government and Regulatory Affairs SII, te koikena janaishe “ami khan khushi paikena khobor di ase ki June moina te ami khan nine to 10 crores doses covisheild olaikena dibole nimete desh te etu bi ami khan laga production capacity .5 crore doses May te milaishe koile toh.”
May moina akhe te SII khan para centre logote kotha kurishe ki covidshield bonabole laga toh 6.5 crore june moina seven crore July aro 10 crore each August aro September moina te uthabole ase.
India khan etia made-in-India vaccines — Covishield SII para bona aro Covaxin Bharat Biotech — COVID-19 immunisation programme te chulai ase.
Russian Sputnik V toh third wala vaccine ase Controller General of India (DCGI) para approval paa t oh emergency use nimete aro etu toh kunba private hospitals khan te chulai ase.
Add Comment