Serum Institute para Novavax COVID-19 vaccine bona soruh

June 26, 2021. Vaccine bona company Serum Institute of India (SII) para Pune te 1^st batch Novavax vaccine toh olop din akhe te bona soruh hoishe. Company para Novavax COVID19 vaccine toh India te Covovax nam te bonai ase koishe. Serum Institute of India laga chief executive officer (CEO), Adar Poonawalla para Friday din te koishe ke, 1^st Covovax vaccine bona toh etu hafta para soruh hoishe. Tai para aro koishe ke, etu vaccine toh 18 saal umer khan logot bachaikena rakibo koishe. “Covovax (Novavax ) para Pune te etu hafta bonai ase koikena hona toh besi kushi ase. Etu vaccine para 18 saal umer future generations logot pachabo. Besi bhal kam korishe Serum Institute India para,” koikena Poonawalla para janaishe. Poonawalla para olop din akhe te koikena ase ke, Covovax vaccine toh June moina te olabo, hoilebi, olop din beche vaccine toh September moina te olabo koikena junaishe. Jowa saal US based biotechnology company Novavax para junaishe ke, license agreement toh SII logot melikena NVX-CoV2373, its COVID19 vaccine candidate toh low- aro middle-income countries (LMIC) aro India te bonabo koishe. Novavax para olop din akhe junaishe ke, COVID19 vaccine candidate NVX-CoV2373 para 100% protection toh moderate aro besi beya bemari oper te 90.4% Phase 3 trial samai bhal khobor thikaishe. Etu samai, SII para Covidshield vaccine toh bonaikena itya India pura te jolai ase. January moina te SII para Covishield vaccine toh olaishe. University of Oxford aro AstraZeneca melaikena vaccine bonai ase.