Serum Institute para Sputnik vaccine bonabo

New Delhi: India te Pune-based Serum Institute para Russian vaccine Sputnik V toh September moina para bonaboli soruh koribo koikena janaishe. Russian RDIF (Russian Direct Investment Fund) para koishe ke, “India te hotai saal Sputnik V toh toh 300 million neshina bonabo”. Technology transfer para kam kora soruh hoishe aro 1^st batch vaccines toh September moina te olaboli bapana ase. “ami RDIF logot melikena Sputnik vaccine bonaboli kushi ase aro ami khan laga bapana te aha moina osor te millions doses toh trial batches te September moina para soruh koribo,” koikena Serum Institute chief Adar Poonawalla para janaishe. Russian Direct Investment Fund laga CEO, Kirill Dmitriev para koishe ke, partnership kora toh besi tangor kam ase aro ami khan para etu vaccine bona te India aro duniyaa pura te besi manuh laga jevan pachabo. Etu khobor junai deya toh itya India te vaccination othai thaka samai te ase. Dr NK Arora para National Expert Group on Vaccine Administration head korikena December moina dak te government logot tangor besas thakina vaccine bona soruh koribo. August moina te supply toh 16 para 18 crore thikena September moina te 30 crore plus doses bonabo”koikena NDTV logot jowa hafta interview te janaishe. Delhi te jaga besi te Covishield vaccine komti howa nemite vaccine centres hoikena ase, koikena Deputy Chief Minister Manish Sisodia para jowa kali janaishe. Delhi te Monday din dak te 36,310 vaccine doses thikena ase hoilebi bapana hesab te ek din pithor te 1.5 lakh doses thiboli koikena thakishe.