Setrongkyu Sangtam para evaluation report khan release kurishey

September 11, 2024: Information Technology & Communication, Economic & Statistics aru Evaluation laga Advisor -Setrongkyu Sangtam para itu Phek District tey Integrated Child Development Scheme khan laga Implement kuria opor tey Evaluation Report khan release kurishey, Dimapur District tey Ayushman Bharat, aru Mokokchung tey Kisan Credit card (KCC) scheme opor tey, Nagaland Civil Secretariat, Kohima tey para, 11 September, 2024 tey. Itu release laga programme homoi tey, Sangtam para tai laga khushi thaka laga express kurishey, itu report khan release kuria laga, kiley koiley itu para toh hoiley beneficial hoboley asey, itu state laga manu khan nimitey. Tai para itu bhi hope kurishey ki, itu report khan toh hoiley itu department khan ke modod kuribo koi kena, aru bhi bhal implement kuriboley laga opor tey focus kuriboley, itu scheme khan laga, itu state pura tey. Director Evaluation, B Rendysowa Ao para tai laga keynote address deliver kuri kena koishey ki, itu report khan toh alag alag finding khan highlight kurey, itu scheme khan laga aru tai para itu bhi suggest kuri asey aru recommend kuri asey, itu service laga delivery improve kuriboley nimitey. Tai para itu officer khan aru official khan ke acknowledge kurishey, itu report khan tyaar kuriboley aru aru-bhi anticipate kuriboley ki, itu report khan toh hoiley insight khan provide kuribo, aru bhi bhal para implement kuribo pariboley, alag alag scheme khan lag aitu state tey. Itu program toh hoiley Evaluation department aru Secretariat Administrative Branch laga officer khan aru staff khan para attend kurishey.