SHILLONG: Meghalaya’s East East Jaintia Hills district Saturday din te NGO laga members logote jakara olaikena saata police personnel etu te ekta maiki constable toh jhokom paishe.
Etu chamela toh old DC office Khliehriat porana cement plant uthabole nimete publc hearing te olaishe.
East Jaintia Hills Superintendent of Police (SP) Deepak Palecha para koikena janaishe etu public hearing luwa toh cement plant Lumshnong te uthabole nimete luwa thakishe.
Etu hearing shuru kura samay te alag alag NGO laga members khan venue te ghussise.Palecha para koikena janaishe COVID-19 protocols hisaab te public khan ke register kuribole janiahse aro social distancing maintain kuribole janaishe.
Protocols hisaab te khali 100 manu khan ke etu venue te batch batch hisaab ghussibole dishe.
Hoilebi NGOS laga members khan register kuribole mananai aro venue te ghussise kuntu para police logote chamela olaishe.
SP Palecha para koikena janaishe NGOs laga members khan police barricade phangaishe pathor phekaishe aro police personnel ke flag poles chulaikena hamlaa kurishe.
Saata police personnel khan jhokom paishe tai khan situation toh control ana samay te.police khan etu pichede tear gas shell phekaishe aro stun grenades khan chulaishe etu mob ke hatabole nimete.
Etu jhokom paa personnel laga naam toh Lesterfield Khardewsaw, Nanditha Sangma, Jason Myrom, Sainlang Jyrwa, Bansynshar Lyngdoh, Kmensar Mawsor and Jigash Sangma ase.
Palecha koikena janaishe”etu public hearing toh akhe te lobole paranai kunba sections para khilaaf kura nuimete.
Hoilebi government para khobor diya pichede etu toh loishe aro komti hoilebi 1400 manu khan hearing nimete jamaa kurishe.
Tai aro koikena janaishe ki etu jhokom paa police personnel khan toh osorte thaka hospital te rakhikena ase.
Palecha koikena janaishe”ami khan etia tak kun ke bi thuranai hoilebi ami khan video footage khan sia ase sabole nimete kun para etu chamela shuru kurishe koikena.”
SP para koikena janaise ekta case toh najaana manu khan uporte register kurishe aro chan bin chuli ase.
Add Comment