Sevilla jetishe Real Valladolid logote

AGENCIES, NOVEMBER 26: Sunday din te  Sevilla khan wapas ahise La Liga laga   top te ahise tai khan  pora Real Valladolid ke 1-0 pora haraidikena  .Saturday din te   Real Madrid, Atletico Madrid aro Barcelona jitibole naparah karne  .Aro Real khan  Eibar khan 3-0 pora haraidishe .Etu pichede Atletico aro  Barca khan 1-1 draw hoishe     Wanda Metropolitano te.Etu pora Sevilla khan advantage loikena  galti nakurikena     Andre Silva Ramon Sanchez Pizjuan te winning goal te ghussaise .Etu jita nimete  Sevilla khan Barcelona logote ekta point pora akhe ase ,duita point Atletico pora akhe aro Real kun khan sixth te ase 6 points pora akhe ase .Etu season asti pora shurukurikena  Machin laga side toh etia 7 ta game naharikena ase sob competition te  aro league te tai khan khali ekbar harikena ase etu bi Barca logote  last nine te  . Real Valladolid, former Brazil striker Ronaldo pora luwa bishi bhal form te ase hoilebi 0lop haafta akhe te  char ta khel khelikena najita nimete tai khan  12^th te ahise .Sevilla khan second goal ghussibole thaka ase  Wissam Ben Yedder pora duibar wala goal ghussibole kosish kurishe  .Aro Sarabia pora  Jordi Masip laga long range drive bachaise .Etu laga end te etu to thik hi thakishe.