Shah Rukh Khan aro Preity Zinta laga Veer Zaara cinema te wapas release hobole asey

New Delhi, September 08 : Romance laga zamana tu wapas ahisey. Shah Rukh Khan aro Preity Zinta laga film Veer Zaara tu 20 years picheyte theatre te wapas release hobole asey. Yash Chopra para direct kora etu film tu cinema te September 13, 2024 te re-release hobole asey. Aro etu laga announcement tu Yash Raj Films(YRF) para taikhan laga official social media handle handle te kurisiley. Taikhan laga instagram account te Yash Raj Films(YRF) para alag alag film laga poster logotey duita post share kurisiley. First post te enaka likhisey, “Romance laga zamana wapas ahisey! Veer-Zara ke theatre khan te Friday, 13^th September para apni laga osot te thaka PVR INOX screen te sabi!”  Second post te YRF para likhisey, “Heaven te bana jori…Veer-Zaara tu Friday, 13^th Sept! te theatre te wapas ahi asey! Etu ke apni laga samney te thaka Cinepolis te sabi” Etu duita poster logotey, etu clear hoisey ki Veer Zaara tu deshbhor te fan khan para dangor screen te sabole nimitey available hobo. Kuntu te, PVR, INOX ar Cinepolis shamil asey. Etu film te Shah Rukh Khan aro Preity Zinta laga alava, Amitabh Bacchan, Hema Malini, Rani Mukerji,  Divya Dutta aro Manoj Bajpayee bi thakisey. Veer Zaara film te ekjun Indian Airforce pilot, Veer Pratap Singh aro Zaara Haayat Khan koikina ekjun Pakistani maiki laga kitya bi nomora love story dikhai. Etu film te Veer para Zaara ke tailaga desh(Pakistan) te drop kuridiya picheyte, Pakistan Local agencies para tailaga khilaf te jasoosi kora laga jhoota iljam laga te fasijaisey. Tai jail te 20 years opor bitai. Aro Pakistan laga ekjun maiki lawyer laga modod para tai jail para bahar olaijai.