India, 13 May 2025: Shah Rukh Khan, jintu “King of Bollywood” bhi koi janai, officially India laga sobse dhuni actor ase, ekta latest report hesap te juntu Esquire Magazine February month te publish kuri thakishe. Etu magazine world laga top richest actors laga list dishe, aru Shah Rukh fourth number te aase globally. Tai laka net worth $876.5 million ase, juntu India currency te roughly ₹7500 crore hobo.
Etu list te Shah Rukh Khan George Clooney, Robert de Niro, aru Brad Pitt laga bhi upor ase. Arnold Schwarzenegger, Dwayne Johnson, aru Tom Cruise hi Shah Rukh Khan ke cross kuri ase. Shah Rukh Khan laga position dikhaishe ki tai notun-notun business decision aru film te success pai kina bishi property jama loishe.
India majote, Shah Rukh Khan dusra actor khan ke bishi dur chari dishe. Salman Khan (₹2900 crore), Hrithik Roshan (₹3100 crore), Akshay Kumar (₹2500 crore), aru Aamir Khan (₹1900 crore) sab Shah Rukh laka piche ase. Legend actor Amitabh Bachchan (₹1600 crore), Chiranjeevi (₹1650 crore), aru Nagarjuna (₹3000 crore) bhi Shah Rukh pora kom ase.
Ekla ekta actress ase juntu olop Shah Rukh ke compete kuribo pare—tai hoishe Juhi Chawla, Shah Rukh laga purana friend aru business partner. Juhi Chawla laga net worth ase ₹4600 crore, aru tai India laga sobse dhuni actress ase.
2023 te, Shah Rukh Khan laga tinta major film—Pathaan, Jawan, aru Dunki—bishi box office success paishe. Aji kali tai nijor next film King upor kaam kuri ase, junte tai laka daughter Suhana Khan bhi act kuribo. Etu film 2026 te release hobole expect kori ase.
Add Comment