December 12, 2025: Bollywood laga superstar aro Kolkata Knight riders laga malik Shah Rukh Khan para social media teh koishe ki December 13 teh tai be ahebole ase Salt Lake Stadium te. Lionel Messi laga Tour karne. Lionel Messi laga GOAT Tour toh December 13 teh shuru kurebo Kolkata para.
Argentine laga star Messi, tai laga four din laga tour toh City of Joy shuru kurebo December 13 te. Aro utu din teh he tai Hyderabad teh jabo. December 14 teh tai Mumbai jabole ase koishe. Aro December 15 teh tai Delhi teh jai kena tai laga tour toh khotom hoijabo. Tai Delhi teh Prime Minister Narendra Modi logo te lok pabole ase koishe.
December 13 Kolkata teh Messi laga sobse dangor statue kholabo koishe. Statue toh 70 feet ase koishe. Hoile be tai statue khola homoi teh utu jaga teh nahei bo koishe. Tai laga hotel para he video para sabo koishe. Tai laga security karne enia kurebo koishe police khan para. Kolkata police para koishe ki Messi 1:30 a.m Saturday teh punchibo India teh. Aro tai ekta five-star hotel te buhebole ase koishe.
Add Comment