Shah Rukh Khan giri jah piche deh ekta b memorable gana nai, Abhijeet Bhattacharya

December 22, 2024: Abhijeet Bhattacharya, tai aro Shah Rukh Khan laka majo deh taka jamala deh husa kotha kuri shae, tai actor karne aro gana nakuri bo kui nah decide kura piche deh. Shubhankar Mishra laka podcast deh, singer para tai alak manu nishi nah taka nai kui shae, kun kan actor lokot deh issues taki shae. Tai para kitia b taike abuse kura nai aro kuta keh taila nam dia nai. Tai para actor tho tai lokot deh kam nakura piche deh tai lokot deh ekta b memorable gana aha nai kui shae. Abhijeet para ekta Shah Rukh Khan film karne gana nakuri nah 17 sal hui shae, taike Tumme Jo Mujhe Dekha aro Channd tare nishi nah hit gana kan di nah ase. Singer para Shah Rukh tho taike punchi bole pari taki shae kui shae, maff karne nahoi nah, jamala tho kotom kuri bo karne. Tai para etu kui shae,” Mui tho tai lokot deh b bura ase. Tai tho mui lokot ahi nah hug b kuri bo paribo. Mui maff mangi bole expect b kura nahoi, hoile b tai ahi nah ‘Ahi b, aro ekbar eki lokot kile bo’ b kubo pari bo. Hoile b manu kan muike ignore kuri shae. Mui enaka time deh gusa deh taka nai; muila mun bikai shae.”