Shah Rukh Khan laga ‘Dunki’ film Shanghai International Film Festival te dikhabole select hoisey

New Delhi, June 17 : Rajkumar Hirani laga film ‘Dunki’ tu waves banabole continue kuri asey. Etu film te Shah Rukh Khan, Taapsee Pannu, Vicky Kauhal aro Boman Irani asey. Etu film para duniyabhor te film sa manu khan ke akarshit kurisey. Aro etya mashoor Shanghai International Film Festival (SIFF) te invitation paikina etu film laga kamyabi laga topi te aro ekta feather add hoijaisey. Rajkumar Hirani para Shanghai International Film Festival (SIFF) te ekta Film representative hoikina attend kuribole asey. Kotey SIFF 2024 laga mashoor International Panorama section te ‘Dunki’ film dikhabole asey. Audience khan para Dunki laga screening tu June 15, 18 aro 20 te dikhibo paribo. Enaka select huwa tu Rajkumar Hirani nimitey ekta garv huwa laga homoi asey. Aro etu para dusra desh te Indian cinema laga pehchan bari thaka dikhai asey. Shanghai International Film Festival (SIFF) tu 1993 te establish hoisey. Etu film ke International Federation of Film Producers Associations para officially recognize kuri asey aro etu ke non-specialized competitive platform nimitey jana jai. Dunki film tu box office te bhal perform kurisey aro world box office te Rs 500 crore kamaisey. Etu tu Shah Rukh Khan laga 2023 laga third film thakisey. Tai tu 4 saal picheyte film industry te wapas ahisey. Hoilebi etu saal Shah Rukh laga eku film release hobole nohoi.