New Delhi, 17 April : Bollywood actor Shah Rukh Khan laga wife Gauri Khan laga Tori restaurant etiya bisi discussion te ase. Itu restaurant laga luxurious decoration, expensive khana aru top-level service karone famous ase, aru luxury restaurant laga list te ginna jai. Kintu etiya itu naam te ahise ekta ulta karone. Ekta food blogger aru influencer Wednesday din Gauri Khan laga restaurant te jai kene claim korise ki tai ke diye thaka paneer nakli ase.
Social media influencer Sarthak Sachdeva recently ekta video tai laga Instagram te share korise. Video te dekha jai, tai ekta piece paneer te iodine tincture test korise. Test te paneer laga colour black aru blue hoijai, aru tai claim korise ki itu paneer te starch ase. Iodine tincture test normally starch detect koribole use kora jai. Paneer laga colour change hoar pisot, tai koi dise, “Shah Rukh Khan laga restaurant te nakli paneer dise, moi shocked hoigai.”
Sarthak eitu test Gauri Khan laga restaurant te korar age bhi onek dusra celebrity laga restaurant te korise. Cricketer Virat Kohli laga One8 Commune restaurant te test korile, paneer perfect paise. Shilpa Shetty laga Bastian restaurant aru Bobby Deol laga Someplace Else restaurant te bhi test korise, kintu eitu duita te bhi starch nai paise.
Tori restaurant laga paneer te starch paise buli video viral hoar pisot, restaurant pora response dise: “Iodine test te starch present ase buli dekhae, kintu eitu paneer asli nai buli proof nai kore. Amikhan laga dish te soy-based ingredient thaka karone eitu reaction normal ase. Amikhan pure paneer aru sab ingredient laga quality maintain koribo te committed ase.”
Etu karone Tori restaurant ekhon controversy te ase, kintu tai laga side pora bhi explanation ahise.
Add Comment