Shahid Kapoor laga ‘Deva’ film tu theatre te February 2025 te release hobole asey

New Delhi, July 19 : Bollywood star Shahid Kapoor laga nutun film ‘Deva’ laga makers para announce kurisey ki etu film tu theatre te February 14, 2025 te release hobole asey. Etu film laga actress tu Pooja Hegde asey. Etu action thriller film ke Siddharth Roy Kapur laga Roy Kapur Film para Zee Studios logotey milikina produce kuri asey. Malayalam blockbuster “Salute” aro “Kayamkulam Kochunni” nimitey jana ja Rosshan Andrrews para etu film ke direct kurisey. Etu film bana manu khan para kuwa hisap te, “Deva” tu ekta action para bhorta thaka roller-coaster ride hobole asey kuntu tu thrill aro drama para bhorta thakibole asey. Etu film te, Shahid Kapoor tu ekta bisi bhal hoilebi nyom namana police officer laga role kuri asey. Aro Pooja Hegde tu ekta journalist laga role kuri asey. “Deva” te actor Pavail Gulati ke bi dangor role te dikhibole asey.