Shahid Kapoor para late boxer Dingko Singh ke samaan deshe

Agencies, 11 June: Boxing te Asian Games gold-medallist, Dingko Singh toh Thursday te Imphal te morise. Tai toh liver cancer para dukh pai thakise. Sports fraternity aro Bollywood celebrities para etu late hero nemite social media posts para samaan deshe aro family ke monn dukh janaishe. Actor Shahid Kapoor para Friday te Twitter te Singh toh ekta finest boxers thakise aro tai khan ami khan desh te besi par glory anishe koise.  Tai ke toh young generation nemite ekta inspiration laga source te yaat thakibo koise. Actor Shahid para be tai laga family khan ke ektum monndukh howa janaishe aro tai laga atma peace te rest nemite prathana janaishe.

Din samai te actor-filmmaker Farhan Akhtar para be boxer Dingko Singh ke samaan kora thakise. RIP Dingko Singh lekhi kena Farhan Akhtar para ring tea mi khan desh nemite glory ana te hotai yaat thakibo koise. Farhan para be family ke ektum monn dukh howa janaishe. Monn dukh khobor janaideya logote Farhan para be Dingko Singh logote ekta nosha post korise. Farhan Akhtar toh joldi tai laga ahibole film Toofan te ekta boxer laga role kora thakibole ase.

Manipur boxer para gold toh 1998 Bangkok Asian Games te bantamweight te jeta thakishe. Jowa sal tai toh coronavirus nemite positive test thakibo. Tai COVID-19 para phal hoise koilebe tai toh January 2020 te lever treatment nemite radiation therapy lobole olaise. Tai laga treatment nemite tai laga khor bekhabole olaise.

1998 te Arjuna award powa Dingko Singh toh 2018 para liver cancer te fight kori thakise. Tai ke toh 2013 te Padma Shri logote samaan korise.

Shahid Kapoor toh late boxer opor te film bonabole kotha phela thakise hoilebe eku enaka khobor toh najanai kena ase. Shahid para Raja Krishna Menon para directed film te Dingko Singh laga role koribole monn howa toh janaishe. Shahid para tai Dingko Singh nemite tai ke rights ase koise. Actor Shahid para etu film toh tai hosha ke be koribole monn ase aro koribo koise.

Tai para be etu bonabole wada toh kora nai aro sob toh conversation aro discussions te ase koise. Tai next ke kori ase official announcement toh joldi thakibole ase koise.