Kerela, 28 April : Renowned film director aru cinematographer Shaji N Karun 73 saal laga age te Monday din pass away korise. Tai laga death Thiruvananthapuram te taikan laga ghar ‘Piravi’ te hoise. Report hisab te Shaji long time pora cancer treatment loi thakise. Aji bhor pora taikan laga health ghotai thakise. Juntu janibole, Shaji State Film Development Corporation (KSFDC) laga Chairman hobo te thakise.
Shaji N Karun ekta unique talent thakise juntu Malayalam cinema ke national aru international level te mark kori dise. Tai 1952 te born hoise. Pallikkara School aru Thiruvananthapuram University College te education loise. Tai Pune Film Institute join kori 1975 te cinematography te diploma loi graduate korise. Tai thodi time Madras te thaki, State Film Development Corporation te film officer hobo join korise. Itu time te Shaji renowned director G Aravindan logot closely kaam korise. Bichi te, KG George aru MT Vasudevan Nair juntu eminent personalities ase, taikan laga film te camera handle korise.
Shaji laga contribution Malayalam film te dangor ase, juntu major films like Piravi, Swapnam, Swam, Vanaprastham, Nishad, Kuttisarank aru AKG ase, after tai around 40 films laga cinematography complete korise. State aru national award for best cinematographer Shaji N Karun ke diya hoise. Tai internationally acclaimed director bonai jaise jab debut film Piravi nimite Cannes Film Festival te Golden Camera Special Mention jeetise. Piravi hoise Malayalam film juntu sabse besi international award jeetise. Swam hoise first Malayalam film juntu Cannes Film Festival main competition section te screen kora hoise.
Report hisab te Shaji N Karun Monday din around 5 PM death hoise. Tai laga family members te bachi ase taikan laga wife Anasuya Devaki Warrier, aru duita baccha Appu Karun aru Karun Anil.
Add Comment