July 18, 2024: Shamator-Chessore rasta tho Y.Anner Village tak saba kuri nah ase, 18th July 2024 din deh. Etu kam tho Advisor Youth Resources & Sports, Keoshu Yimchunger laka intervention deh, Executive Engineer, (Roads & Bridges) Tuensang, Er. Thongpang Chongshen para led kura Public Works Department aro SDO (R&B) Shamator, Er. T. Azhiba Yimchunger, spot officer taki nah hui shae.
Y. Anner Village Council, Chairman, Y. Rikhum para led kuri nah, taikan laka kushi tho express kuri Executive Engineer, (Roads & Bridges) keh, taila timeless effort karne aro komti time deh rasta kan tho restore kura karne. Taikan para SDO (R&B) Shamator keh thanks b kui shae, taila service karne. Village Council kan hope kuri ase, concerned departments aro Government kan, monsoon deh manu laka jinta sai taki bo kui nah. Taikan para local MLA aro Advisor, Keoshu Yimchunger keh b gratitude di shae, manu kan karne jinta taka karne.
Itia, Y.Anner village jurisdiction deh rasta keh saba kuri bo karne ekta excavator ahi nah ase, NPWD laka support deh.
(Shahoro, IA Chessore)
Add Comment