October 22, 2025, 06:21 PM: Itu District Administration, Shamator para itu Social Justice & Empowerment laga Ministry aru Yimkhiung Liberü Arihako, Shamator Area logotey collaborate kuri kena, successful para ekta training organize kurishey, Life Skill khan opor tey, kuntu toh hoiley local youth khan ke empower kuriboley karney aim kuria laga thakishey, traditional aru practical skill development para, 22nd October, 2025 tey.
Itu event laga homoi tey, EAC Shamator – Kudazo Swuro para ekta inspire kuria laga address deliver kurishey, tai laga vision share kuri kena, sob youth khan ke, itu district tey. Tai para emphasize kurishey ki, sob jawan manu khan toh hoiley train hoi kena thakiboley lagey aru nai koilebi ekta skill tey toh equip hoi kena thakiboley lagey, self-reliant hoboley aru meaningful para itu district laga socio-economic growth tey contribute kuriboley. Tai para aru bhi itu construction sector highlight kurishey, employment bishi thaka laga utu area tey, tai para youth khan ke encourage kurishey, training pursue kuriboley, itu laga field tey, job opportunity khan enhance kuriboley karney, itu district laga bhitor tey aru itu state bhitor tey.
Itu training toh hoiley, traditional basket banawa laga aru traditional cotton thread weave kuria laga method opor tey focus kurishey, deep cultural significance uphold kuri kena aru sustainable sources laga livelihood serve kuri kena. Tatey pura puri 70 manu khan para participate kurishey, enthusiastic thaka youth khan aru community member khan thaki kena, kun khan toh hoiley hands-on skill khan acquire kuriboley eager thaki kena, itu programme tey attend kurishey. Quality training ensure kuriboley karney, ekta trainee coordinator aru charta expert khan engage thakishey tutor hisap tey, kun para toh hoiley detailed demonstration khan provide kurishey aru itu participant khan ke itu pura session khan tey guide kurishey.
Itu training toh hoiley ekta interactive session logotey khotom hoishey, kotey participant khan para tai khan laga gratitude express kurishey itu organizer khan ke, eneka nishina valuable platform provide kuria karney, shikhiboley, traditional craftsmanship preserve kuriboley aru livelihood opportunity khan enhance kuriboley. Itu programme toh hoiley ekta strong commitment reflect kurey youth empowerment, skill development aru cultural preservation phaney, itu district tey.
Add Comment