April 24, 2024 : Shamator laga Dpeuty Commissioner – Y. Chingyak Konyak para ekta press communique para inform kurishey ki, itu koboley napara laga 19th & 20th April, 2024 tey pani gira para , ekta trail laga damage khan toh hoiley chari kena jaishey, Shamator district under tey. Dosta bosti khan itu district under tey, pura puri cut- off hoi kena asey.
Konyak para state kurishey, power aru cellular connectivity toh hoiley severe para affect kuri di kena asey, aru bishi culvert khan aru minor bridge khan ke toh hoiley pani para loi jaishey. Tai para aru bhi koishey, ki landslide khan aru mudslide khan para toh hoiley itu district tey connect kuri kena thaka laga raasta khan ke block kuri kena rakhi dishey. Teenta major bridge khan, Langa bridge- Shamator aru Tuensang ke connect kuria laga; Muksuek bridge Chessore Sub division ke connect kuria laga Tuensang logotey, aru Shipong bridge, Shamator hq ke connect kuria laga, Mangko EAC circle logotey, utu khan sob toh hoiley severe para damage kuri dishey aru utu khan toh hoiley bishi diri nahoi kena bhango kena giri jaboley nishina asey koishey. Tai para koishey, hundred hundred terrace field khan aru fishery khan toh hoiley pani para loishey jaishey. Tai para aru bhi koishey ki, bishi gari khan kuntu toh hoiley election para wapas ahishey, tai khan toh ahiboley jaboley napari kena phashi kena buhi asey itu district laga alag alag jaga khan tey. Tai para itu bhi inform kurishey, ki, Disaster Management Authority (DDMA) toh hoiley kaam kuria toh kuri asey, hoilebi lagi thaka machine khan aru resources khan nathaka para severe para impact hoi kena asey, raasta khan sapha kurishey aru alag restorative kaam khan, itu district tey.
Add Comment