Shamator, October 30 – 30th October 2025 te DB’s Hall, Shamator te upcoming Sardar@150 Unity Rally laga District Level Core Committee (DLCC) meeting rakha hoishe. Meeting chair korishe Deputy Commissioner, Shamator, Chubatemjen, NCS, aru attend korishe Superintendent of Police, Shamator, all Heads of Offices, aru representatives from Yimkhiung Tribal Council, Tikhir Tribal Council, Shamator Town Public Forum, Shamator Students’ Union, SEWA, aru other dignitaries.
Etu saal 2025 mark kori ase Sardar Vallabhbhai Patel laga 150th Birth Anniversary — juntu India laga Iron Man buli jana jai aru national integration laga main architect bhi ase. Tai laga statesmanship, diplomatic skill, aru commitment toh national unity para ekta united Bharat laga foundation rakhi dishe.
Etu historic occasion commemorate koribole, Ministry of Youth Affairs and Sports, Government of India para Sardar@150 celebrations organize kori ase sob jagate India te. Etu initiative laga part huwa para, Unity Rally hobo 8th November 2025 (Saturday) te, Shamator Town te, juntu route cover koribo Police Point pora NAP Gate tak.
Rally age te, 3rd November 2025 para, schools aru public venues te pre-event activities rakha jabo focusing on Sardar Vallabhbhai Patel laga life aru legacy. Activities khan majote ase essay aru debate competition, talk sessions on Sardar Patel, poster-making competition, cleanliness drive, yoga aru wellness session, aru cultural programs — juntu laga aim ase unity promote koribole aru public te awareness spread koribole.
Meeting te sob department aru organization khan ke cooperation aru active participation dikhai dibole encourage kora hoishe, jate upcoming Sardar@150 Unity Rally Shamator te ekta grand success hobole.
Add Comment