New Delhi, 05 April 2025: Mumbai police Shariful Islam Shehzad laga bail plea oppose kuriase, jun tu actor Saif Ali Khan ke chaku para mara laga accused ase. Police laga likha reply te koi se ki Shehzad Bangladeshi citizen ase aru India te illegally ahi se. Police etu bhi highlight kurise ki jodi Shehzad ke bail dile, tai Bangladesh bolabo paribo. Police aru bhi chinta kurise ki “ Tai ke bail dile, tai para complainant kura aru witness khan ke influence kuribole kosis kuribo.” Aru olop din piche bhi etu nishina crime repeat kuribo pare.
Shehzad laga lawyer Ajay Gawali, accused bail plea te koi se ki “FIR pura misa ase aru false case register kurise.” Tai etu bhi argument kurise ki investigation te pura cooperate kurise aru custody te rakhibole eku nyom nai.”
Kintu, police maintain kurise ki Shehzad opor te strong evidence ase aru etu case serious ase. “Etu accused opor bhal evidence pai kena ase aru charge sheet file kuribo,” police reply te koi se. Police reiterate kurise ki Shehzad bolai jabo paribo aru witness khan ke influence kuribo paribo bail dile.
Police forensic evidence bhi cite kurise Shehzad opor opposition dikhabo karone. Police koi se ki knife laga dukra jun tu Khan laga spine pora surgery te ulai she, ekta crime scene pora pa fragment aru aru ekta piece Shehzad para recover kurise, etu sob ekta weapon para milise. “Etu tinta knife piece ekta weapon para ase jun tu actor opor attack kuribo le use kurise,” police Forensic Science Laboratory (FSL) Kalina laga report refer kuri kena koi se. Knife laga dukra chemical analysis bhi kurise forensic lab te.
Police aro bhi case strong kuribo karone CCTV footage present kurise jun tu te Shehzad crime commit kuri thaka aru scene pora bolai thaka dekhaise. Facial Recognition analysis forensic lab te confirm kurise ki footage te dekha manu Shehzad ase. Police etu bhi koi se ki Shehzad tai weapon kothai para kenise etu laga location police ke janai dise aru etu location te panchnama bi rakhi loise. Police crime scene recreate kuri se aru extra evidence collect kurise juntu Call Details Record (CDR), Subscriber Details Record (SDR), aru accused laga mobile phone tower location data para.
Police Shehzad laga mobile phone seize kurise, tai laga arrest time te. Jun tu tai Bangladeshi citizen thakia laga evidence dekhai se. Police etu phone forensic analysis kuribole ase. Shehzad attack time Saif Ali Khan, tai attendant Hari aru staff member jun tu injure hoise aru police para tai laga khoon thaka kapra chemical analysis te pathaise aru report to receive kuri kena evidence karone submit kurise.
Attack January 16 te hoise jitiya ekta intruder Khan laga 12th-floor Bandra flat te entry kuri kena chaku mari dise. Actor, 54 saal, emergency surgery Lilavati Hospital te kurise, knife laga dukra spine pora remove kuribo karone. Tai panch din pichete discharge hoise. Shehzad attack piche dui din bitore te arrest hoise.
Court etu matter April 9 te hunibole ase.
Add Comment