Shark Tank Season 17, notun guest sharks introduce kuribo

New York, 14 July : ABC laga ekta dangor entrepreneurial reality show Shark Tank te season 17 te ekta dangor change ahise—etu season te new guest sharks ahibo, timing midweek te hobo, aru longtime investor Mark Cuban bhi show chari dise. Variety report te koi ase ki season 17 te notun aru ageta season te thaka guest sharks milaikena aneka exciting personalities thakibo—Allison Ellsworth, Poppi laga founder aru Chief Brand Officer; Chip & Joanna Gaines, Magnolia empire laga malik; aru Alexis Ohanian, Reddit co-founder aru venture capitalist. Good Morning America laga co-anchor aru SMAC co-founder Michael Strahan, aru Uncle Nearest Inc. laga founder & CEO Fawn Weaver bhi etu season te dekha dibo. Ageta season te guest shark thaka Kendra Scott aru Rashaun Williams bhi wapis ahibo, aru eneka guest sharks khan main panel laga sharks logot milekene new pitch sunibo aru bhal business te invest koribo. Show laga regular full-time sharks—Daymond John, Barbara Corcoran, Robert Herjavec, Kevin O’Leary, Lori Greiner, aru Daniel Lubetzky—sob wapis ahibo. Kintu Mark Cuban etu season te nai thakibo, karon tai 15 season upor te show te thaka pichete exit korise. Mark Cuban laga exit show laga dynamics te ekta dangor change ani dise, karon tai aneka diverse startups te invest kori thakise. People report te hisab te, Mark Cuban—2002 te guest shark hisebe join kori aru 1 saal pichete full-time shark bisi—etu decision luse ki tai nijor bacha Alexis, Alyssa aru Jake logot besi time spend koribo lage. Tai koise ki September te bacha khan school join koribo lagi, tai June pichete tai logot thakibo bisare. Tai bhi etu faisla te “no second thoughts” ase koi confirm korise.